Gallery
O‘zbekiston Respublikasi Prezidenti Shavkat Mirziyoyev tashabbusi bilan ta’lim sohasidagi islohotlar nafaqat o‘quvchilarga, balki maktab rahbarlariga ham qaratilmoqda. Aynan shu ezgu maqsadda Buyuk Britaniyada "Maktab liderligini rivojlantirish" dasturi tashkil etildi.
Mazkur tashabbusni amalga oshirishda Maktabgacha va maktab taʼlimi vaziri Hilola Uktamovna Umarovaning beqiyos hissasini alohida ta’kidlash lozim. Hilola Uktamovna ta’lim sohasidagi yuksak mas’uliyati, tashabbuskorligi va professionalligi bilan chin ma’noda o‘z vazifasiga munosib rahbar ekanini yana bir bor namoyon etdi. Hilola Uktamovna boshchiligida vazirlik tomonidan xalqaro hamkorlik yo‘lga qo‘yilmoqda, o‘qituvchilar va rahbarlar salohiyati oshirilmoqda.
Ushbu nufuzli dasturda bizning ADC ta’lim muassasasi direktori Morozov Gennadiy Vladimirovich ham faol ishtirok etdi. Uning ta’limdagi yondashuvlari, ilg‘or rahbarlik ko‘nikmalari va xalqaro tajribani o‘zlashtirishga bo‘lgan intilishi bizning jamoamiz uchun faxrdir.
Kembrijdagi rasmiy tashrif doirasida O‘zbekiston Respublikasining Buyuk Britaniyadagi elchixonasida o‘tkazilgan uchrashuv alohida e’tiborga loyiq. Uchrashuvning yuqori saviyada tashkil etilgani uchun elchi Ravshan Usmonov janoblariga samimiy minnatdorchiligimizni bildiramiz. Elchixona tomonidan yaratilgan imkoniyatlar va iliq kutib olish mehmonlarimizda katta taassurot qoldirdi.
Dastur doirasida qatnashchilar strategik fikrlash, liderlik, mentorlik va ijobiy maktab muhitini yaratish kabi muhim yo‘nalishlarda bilim va ko‘nikmalarga ega bo‘lishdi.
O‘zbekiston ta’limi yuksalmoqda! Bunda har bir fidoyi rahbar va tashabbuskor pedagoglarning hissasi beqiyos!
